शिवसेना माजी सैनिक सेलच्या बीड जिल्हा उपाध्यक्षपदी श्री. विकास सोन्याबापू म्हस्के यांची नियुक्ती

वैभवशाली महाराष्ट्र न्यूज

बीड जिल्हा प्रतिनिधी

हिंदुत्वाचा विचार आणि पक्ष वाढीसाठी कार्य करण्याची जबाबदारी; नियुक्तीचा कालावधी 1 वर्षाचा

बीड/मुंबई, दि. 19 ऑगस्ट 2026: वंदनीय हिंदुहृदयसम्राट शिवसेनाप्रमुख बाळासाहेब ठाकरे यांच्या विचारांवर आणि शिवसेना मुख्य नेते मा.ना. श्री. एकनाथजी शिंदे (उप-मुख्यमंत्री, महाराष्ट्र राज्य) यांच्या आदेशानुसार शिवसेना माजी सैनिक सेलच्या बीड जिल्हा उपाध्यक्षपदी श्री. विकास सोन्याबापू म्हस्के यांची नियुक्ती करण्यात आली आहे.

ही नियुक्ती शिवसेना महाराष्ट्र राज्य माजी सैनिक सेलचे प्रदेशाध्यक्ष अॅड. सरदार पांडुरंग चोपडे (S.E.O.) यांनी दिलेल्या नियुक्ती पत्राद्वारे जाहीर करण्यात आली. सदर नियुक्तीचा कालावधी 1 वर्षाचा असेल.

नियुक्ती पत्रात म्हटले आहे की, वंदनीय हिंदुहृदयसम्राट शिवसेनाप्रमुख बाळासाहेब ठाकरे यांचा हिंदुत्वाचा विचार आणि धर्मवीर आनंद दिघे साहेब यांची शिकवण यांचा आपण सक्रियपणे प्रचार आणि प्रसार करावा. तसेच शिवसेना पक्ष व माजी सैनिक सेल वाढीसाठी आपण सर्वांना सोबत घेऊन कार्य करावे, असा विश्वास व्यक्त करण्यात आला आहे.

नियुक्तीनंतर श्री. विकास म्हस्के यांचे सर्वत्र अभिनंदन होत आहे. त्यांना शिवसेना पक्ष आणि माजी सैनिक सेलच्या माध्यमातून बीड जिल्ह्यात संघटनात्मक कामाला गती देण्याची जबाबदारी देण्यात आली आहे.श्री. विकास म्हस्के यांच्या नियुक्तीबद्दल बीड जिल्ह्यातील मित्र परिवार सहकारी तसेच शिवसैनिक आणि माजी सैनिकांमध्ये उत्साहाचे वातावरण आहे.

निवड झाल्यानंतर सर्व स्तरातून शुभेच्छांचा वर्षाव होत आहे.