श्रीमती वसुधा उत्तम खोडसे परिवार नायगाव यांच्या वतीने मकरसंक्रांतीच्या निमित्ताने हळदी कुंकू कार्यक्रम उत्साहात संपन्न

सामाजिक

केज (प्रतिनिधी)
नायगाव येथील श्रीमती वसुधा उत्तम खोडसे यांच्या वतीने मकरसंक्रांत सणाचे औचित्य साधून महिलांसाठी हळदी – कुंकवाचा व तिळगुळ वाटप कार्यक्रम आयोजित करण्यात आला होता. या कार्यक्रमातून भारतीय संस्कृतीचे संवर्धन व जोपासना करण्यात आली.

एकिकडे भारतीय संस्कृती मध्ये सणासुदीला खूप महत्त्व आहे. असे असताना ही दुसरीकडे माञ सध्याच्या धावपळीच्या काळात दिवसेंदिवस भारतीय सण-उत्सव साजरे करण्याकडे नव्या पिढीचा कल दिसून येत नाही, आपले पारंपरिक सण-उत्सव साजरे करण्याचे प्रमाण कमी होतेय की काय..? अशी परस्थिती निर्माण होत चालली असताना खोडसे परिवाराने मकरसंक्रांत सणाचे औचित्य साधून महिलांसाठी हळदी – कुंकवाचा व तिळगुळ वाटपाचा कार्यक्रम आयोजित करण्यात आला होता. खोडसे परिवाराने भारतीय संस्कृतीतील लुप्त होत चाललेल्या अशा परंपरा, सण, उत्सव जोपासण्याचे काम हाती घेतलेले आहे. मकरसंक्रांत हा सण सुवासिनी महिला, भगिनी दरवर्षीच मोठ्या आनंदाने व उत्साहाने साजरा करतात. मागील दोन वर्षांत कोरोनामुळे महिलांना हा सण व्यापक स्वरूपात साजरा करता नाही आला. आपल्या सौभाग्याला दीर्घायुष्य लाभावे म्हणून महिला आपसांमध्ये गाठीभेटी घेवून, मैञिण, नातेवाईक आणि आप्तेष्ट यांच्या घरी जाऊन आणि आपल्या स्वतःच्या घरी बोलावून एकमेकींना हळदी – कुंकू लावून तिळगुळ आणि भेटवस्तू देवून आपल्या आयुष्याची वाटचाल अशीच गोड रहावी, ही चांगुलपणाची भावना मनात ठेवून मकरसंक्रांत मोठ्या उत्साहात, विविध उपक्रम राबवून साजरी करतात. याच विधायक भूमिकेतून संस्कृती जोपासत हळदी – कुंकवाच्या कार्यक्रमाचे आयोजन केले होते. या कार्यक्रमास सुहासिनी महिला, मुली मोठ्या संख्येने सहभागी होऊन त्यांनी हा कार्यक्रम साजरा केला. यावेळेस आयोजकांनी चहापाणी व फराळाची व्यवस्था करण्यात आली होती. या प्रसंगी सुहासिनी महिलांसाठी मकर संक्रांतीच्या शुभेच्छा म्हणून भेटवस्तू देण्यात आल्याची माहिती मुख्य आयोजक श्रीमती वसुधा उत्तम खोडसे परिवार यांच्या वतीने देण्यात आली आहे. व उपस्थित सर्व माता भगिनींचे उपस्थित राहिल्या बदल विशेष आभार मानण्यात आले .